ചവരേഴുത്ത്

ഇതു വായിക്കുന്ന മാലോകര് ( ആരെങ്കിലും ഉണ്ടെങ്കില്‍ !)  എന്നോട് ചോദിക്കുന്നു.. എനിക്ക്  കേള്‍ക്കാം ..  

" താന്‍ എന്താ കളിപ്പിക്കയാ ? .. .. കഴുതേ ... അത്മകഥ ആണെന്ന് പറഞ്ഞു കുറച്ചു ചവറും എഴുതി നടക്കുന്നോ ? നിര്തടോ .. "

ആ മാലോകരിലെ ഇംഗ്ലീഷ്കാര് പറയുന്നു "Stop it ... Why beating around the bush ?  If you have something to say, say that now ".

അയ്യയ്യോ .. ഞാന്‍ എഴുതാമേ.. 

സമയമാം രഥം

"Time and tide waits for none' എന്നാണല്ലോ വിദ്വല്‍ ഭാഷ്യം. ശരിയാണ്. കഴിയുന്ന ഓരോ നിമിഷവും കഴിഞ്ഞത് തന്നെ. തിരിച്ചെടുക്കാനാവില്ല. പോയത് പോയി. വരാന്‍ പോകുന്ന നിമിഷങ്ങള്‍ നന്നായി ബുദ്ധി പൂര്‍വ്വം പ്രയോജനകരമായി ഉപയോഗിക്കാന്‍ കഴിഞ്ഞാല്‍്, അതാണ്‌ കഴിവ്.

പക്ഷെ, ഞാന്‍ ശ്രമിക്കുന്നത് മറ്റൊന്നാണ്. കഴിഞ്ഞത്  കഴിഞ്ഞു  എന്ന് മറ്റുള്ളവരോട് ഉപദേശിക്കുന്ന ഞാന്‍, പക്ഷെ കാലചക്രം പിന്നോട്ട് തിരിക്കാനാണ് ഞാന്‍ ശ്രമിക്കുന്നത്. എവിടെ വരെ തിരിക്കണം, എവിടെ നിന്നു പുതുതായി തുടങ്ങണം, എന്നൊന്നും ഒരു പിടി കിട്ടുന്നില്ല. അതാണ്‌ ഇപ്പോളത്തെ പ്രശ്നം.

സമയമാം രഥം മുന്നോട്ടു മാത്രമെ പോകൂ. പക്ഷെ, മുന്നോട്ടും പിന്നോട്ടും ഞാനതിനെ കൊണ്ടു പോകാന്‍ ശ്രമിക്കുന്നു. അപ്പോള്‍ ആവശ്യാനുസരണം എങ്ങോട്ട് വേണമെങ്ങിലും ഓടിക്കാം.
ഒരു പെന്‍ഡുലം അതുപോലെ ആണല്ലോ .  "ഊഞ്ഞാല്‍" എണ്ണ പദപ്രയോഗം വിലാസിനി ഉപയോഗി‌ച്ചു കഴിഞ്ഞല്ലോ .  പെന്‍ഡുലം എന്ന് ഞാന്‍ എന്റെ ആത്മകഥ്ക്കു പേരിട്ടാലോ എന്ന് ഞാന്‍ പല വട്ടം ചിന്തിച്ചതാണ്. പക്ഷെ, ... എന്തോ ഒരു പിന്‍വിളി !  അത് ഇനിയും ചിന്തിക്കാവുന്നതാണല്ലോ ?

ബന്ധു ലോകം : ചതിവുകളുടെ ലോകം

ബന്ധങ്ങള്‍ ബന്ധനങ്ങള്‍ ആവണമെന്നില്ല . പക്ഷെ അവ ചതിവുകളുടെ സ്രോതസ് ആണ്. ഞാന്‍ എന്നും ചതിക്കപ്പെട്ട ഒരു 'കഴുത' ആണ്. കഴുതകളെ അല്ലെ ചതിക്കാനാകൂ. അതുകൊണ്ടാണ് ഞാന്‍ പലപ്പോഴും എന്നെ കഴുത എന്ന് സ്വയം വിളിക്കുന്നത്. മറ്റുള്ളവര്‍ക്ക് എന്നെ വളരെ വേഗം സ്വാധീനിക്കാം. അതുകൊണ്ടാണ് പലപ്പോഴും തീരുമാനങ്ങള്‍ തെറ്റായി എടുക്കേണ്ടി വരുന്നതു. അത് കോവര്‍ കഴുതയുടെ ലക്ഷണമാണല്ലോ ?

ബന്ധുക്കള്‍ സാധാരണ സഹായികലാണ്. പക്ഷെ, എന്റെ ബന്ധുക്കള്‍ ചതിക്കുക മാത്രമെ ചെയ്തിട്ടുള്ളൂ. ചതിവുകളുടെ പട്ടിക വളരെ നീണ്ടതാണ്.

എല്ലാവരും ചതിച്ചോ? എന്താണ് ഞാന്‍ പറഞ്ഞുവരുന്നത്‌ ?  അതെ. ബന്ധുക്കള്‍ ഏതാണ്ട് എല്ലാവരും ചതിച്ചു. ചതിവുകളൂടെ വലിപ്പം വ്യതസ്തമെന്നു മാത്രം. ഒന്നോ, രണ്ടോ പേര്‍ അങ്ങനെ അല്ലാത്തവരുണ്ടാവാം. ചതിവുകല്ക്കു മുന്‍തൂക്കം ഉള്ളപ്പോള്‍, സഹായങ്ങള്‍ക്ക് എവിടെ സ്ഥാനം ? എങ്കിലും, ഞാന്‍ അവയ്ക്ക് വളരെ പ്രാധാന്യം കൊടുക്കുന്നുന്ടു.  സഹായിക്കാതവരെ ഞാന്‍ ചതിയന്മാര്‍ എന്ന് വിളിക്കില്ല.  വരുന്ന കാലങ്ങളില്‍ ഞാന്‍ ഇതൊക്കെ പറയാം. ഓരോന്നായി.

കഷ്ട നഷ്ടങ്ങള്‍

എന്റെ ജീവിതത്തിലെ ഏറ്റവും മോശമായ സമയമാണിത്. ഞാന്‍ എഴുതുവാന്പോലും ഉള്ള മാനസിക അവസ്ഥയിലല്ല. എന്റെ ഇപ്പോളത്തെ മാനസിക പ്രശ്നങ്ങള്‍ ആരോടും പറയുന്നില്ല, എന്ന് മാത്രം. എങ്ങിനെ പറയാനാ ? പറയാനും വയ്യ, പറയാതിരിക്കാനും വയ്യ. എല്ലാ പ്രശ്നങ്ങള്ക്കും കാരണം ഞാന്‍ തന്നെയാണ്. എന്റെ കഴിവുകേടുകള്‍ ആവാം ! തീരുമാനങ്ങള്‍ എടുക്കാനുള്ള കഴിവുകുരവാകാം. പക്ഷെ, കാര്യങ്ങള്‍ എന്റെ പിടി വിട്ടു പോയി. ഒരിക്കലും പരിഹരിക്കാനാവാത്ത തരത്തില്‍, കാര്യങ്ങള്‍ പോയിക്കഴിഞ്ഞു.

തീരുമാനങ്ങള്‍ എടുതത്തിലെ പാകപ്പിഴകള്‍  വലിയ കഷ്ട നഷ്ടങ്ങള്‍ ഉണ്ടാക്കി. പോയ ബുദ്ധി ആന പിടിച്ചാല്‍ വരുമോ ?  പക്ഷെ, എന്തുകൊണ്ടാണ് എനിക്ക് ഈ തെറ്റുകള്‍ സംഭവിച്ചത് ? എനിക്ക് ഇവ വിശദീകരികാനാവുന്നില്ല. അതുകൊണ്ടാണ് ഞാന്‍ പറഞ്ഞതു - കാലചക്രം പിടിച്ചു തിരിച്ചു വയ്ക്കാന്‍ ഞാന്‍ ശ്രമിക്കട്ടെ എന്ന്.